"М trip" аялал жуулчлал, ачаа тээврийн цогц үйлчилгээний төв нээлтээ хийлээ

Шангри-Ла Улаанбаатар төвийн B1 давхарт нислэгийн тийз борлуулалт, аяллын даатгалын үйлчилгээ, буухиа шуудан, Улаанбаатар хот доторх гадаадын жуулчдад зориулсан өдрийн аялал, гадаад дотоод аяллын багцын захиалга зэрэг авиа болон аялал жуулчлалын бүх төрлийн үйлчилгээ авах боломжтой M trip: Трейвэл Зон буюу авиа үйлчилгээний цогцолбор төв нээлтээ хийжээ.

М trip цогцолбор нь 1998 оноос хойш агаарын ачаа тээвэр, нислэгийн тийз болон аялал жуулчлалын салбарт үйл ажиллагаа явуулж буй “Мон Аэр Тур” ХХК-ийн ре-брэндинг төсөл бөгөөд IATA буюу олон улсын агаарын тээврийн холбооны аяллын агент болон ачаа тээврийн карго агентын зөвшөөрөл, Иргэний Нисэхийн Ерөнхий Газрын 337 болон 109 тоот тусгай зөвшөөрлөөр баталгаажсан үйл ажиллагаа явуулах аж.

Одоогийн байдлаар улс хооронд зорчигч, аялагчид М trip трэйвел зоноос дараах үйлчилгээнүүдийг авах боломжтой:

• Гадаад болон дотоодын чиглэлд аялал жуулчлалын багцууд
• 25 жилийн туршлагаар баталгаажсан нислэгийн тийз худалдаа
• Дэлхийн 220 чиглэлд импорт, экспортын ачаа тээвэр
• DHL Буухиа шуудан
• Даатгал
• Боловсролын аялал жуулчлалын үйлчилгээ
• Эвент, үзвэр үйлчилгээний тасалбар борлуулалт
• Трэйвел SIM худалдаа
• Нисэх буудал хот хоорондын захиалгат такси үйлчилгээ