Үндэсний номын сангийн төв байрны уншлага, үйлчилгээ өнөөдрөөс нээгдэнэ

Үндэсний Номын Сан Төв байр /хуучин барилга/-ныхаа уншлага, үйлчилгээг өнөөдрөөс эхлэн нээж байна.

Тус номын сан нь шинэ байраа ашиглалтад хүлээн авч, Салбар номын сангаа нээх бэлтгэл ажлын хүрээнд 2024 оны 3 дугаар сарын 01-ний өдрөөс эхлэн уншлага, үйлчилгээгээ хэсэг хугацаанд хааж, 534 мянган орчин үеийн ном хэвлэлийг шилжүүлэн байршуулаад байна.

Үндэсний Номын Сангийн Төв байр /хуучин барилга/-ны уншлага, үйлчилгээ Даваа-Баасан гарагт 09:00-20:00, Бямба, Ням гарагт 09:00-17:00 цагт ажиллана.

Уг номын сангийн салбар номын сан /Шинэ байр/-ийн үйл ажиллагааг энэ сард нээх юм.